Fshati indian me çadra ndihmon në mbajtjen e distancës sociale (FOTO)

Një fshat në shtetin jugor të Keralas në Indi po iu shpërndan 10 mijë çadra banorëve për t’i ndihmuar në mbajtjen e distancës sociale, sipas një zyrtari të lartë të këshillit lokal.

“Shpresojmë që retë e Covid-19 të pastrohen shpejt, por gjatë verës dhe ditëve të ardhshme të shiut, le të mbajmë distancimin shoqëror duke hapur një ombrellë,” tha PS Jyothi, presidenti i këshillit të fshatit Thannermukkom, raporton CNN, transmeton Klan Kosova.

“Ideja është të qëndrojmë pranë njëri-tjetrit me çadra të hapura për të mbajtur një distancë prej të paktën një metër”, shtoi Jyothi.

Së bashku me çadrat, edhe nga dy maska ​​do të shpërndahen për qytetarët.

Kerala ishte shteti i parë në Indi që raportoi raste të koronavirusit. Shteti aktualisht ka 458 raste të koronavirusit përfshirë 4 vdekje. India ka gjithsej 27.892 raste me Covid-19, përfshirë 872 vdekje, sipas Ministrisë indiane të Shëndetësisë.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.