Flamuri shqiptar ngrihet lart në Beograd, tifozët fishkëllejnë Alban Beqirin

Flamuri shqiptar është ngritur lart mbrëmjen e sotme në Beograd, në arenën ku po mbahet Botërori i boksit amator.

Shfaqjen e flamurit shqiptar e ka mundësuar boksieri i Shqipërisë, Alban Beqiri që fitoi medalje të bronztë në kategorinë deri 71 kilogramë.

Kur u thirr emri i Beqirit që të ngjitej në podium, ka pasur fishkëllima të shumta të tifozëve serbë në palestër. Ai është fishkëllyer vazhdimisht, por ka bërë krenarë gjithë shqiptarët me sukses në Botërorin ku Kosova nuk u lejua të marr pjesë.