Fitore e Prishtinës ndaj Vëllaznimit

Prishtina ka shënuar fitore të re në Superligën A të Kosovës në hendboll.

Të dielën mbrëma, Prishtina fitoi ndaj Vëllaznimit të Gjakovës me rezultatin 38:29.

Pas pjesës së parë epërsia e prishtinasve ishte tri gola, 19:16.

Agon Bajqinovci ishte më efikasi te Prishtina me 8 gola. Nga 7 i realizuan tre lojtarë. Florian Rexha realizoi më së shumti për Vëllaznimin, tetë gola. Ndeshja i takoi javës së 21-të.

Prishtina është e dyta me 35 pikë. Vëllaznimi renditet i gjashti me 17 pikë.

Në Superligën e hendbollisteve të dielën u luajt ndeshja e fundit e javës së 17-të.

Kastrioti fitoi ndaj Dritës në Gjilan me rezultat 38:27. /Klankosova.tv/