Ekspertët mendojnë se zgjedhjet në veri duhet të shtyhen (VIDEO)

Premtimin e dhënë të martën nuk e mbajtën të mërkurën.

Komisioni Qendror i Zgjedhjeve nuk u mblodh siç paralajmëroi për të diskutuar çështjet e zgjedhjeve në 4 komunat veriore, as kur kanë mbetur 11 ditë nga organizimi i tyre, raporton Klan Kosova.

Edhe pse shumë dilema ende s’kanë epilog, një ish-kryetar i këtij organi mendon se shteti duhet krijuar kushtet që procesi të mbahet.

E Demokracia në Veprim si monitorues i zgjedhjeve, insiston se sipas rrethanave nuk ka kushte që votimet të mbahen.

Shtyrja është evidente edhe për ish-nënkryetarin e Gjykatës Kushtetuese Kadri Kryeziu, sipas të cilit akti më i lartë juridik mund të shkelet nëse zgjedhjet mbahen pasi mund të prishet rendi juridik i Kosovës nëse ato nuk japin rezultate.

Zgjedhjet për kryetar të Mitrovicës së Veriut, Zveçanit, Leposaviqit e Zubin Potokut, ishin paraparë të mbahen më 18 dhjetor por u shtynë shkaku i tensioneve asokohe. /Klankosova.tv

Rrini të informuar mbi zhvillimet kryesore duke u bërë pjesë e komunitetit tonë në Viber

BONUS: Merreni aplikacionin tonë në Android dhe iOS