E quajti xhenaze Isa Mustafën, Bekë Berisha thotë se deklarata e tij u shtrembërua

Deputeti i AAK-së, Bekë Berisha ka folur për herë të parë në lidhje me deklaratat e tij të drejtuara ditë më parë në adresë të kreut të LDK-së, Isa Mustafa.

Berisha në emisionin e mëngjesit në Klan Kosova tha sot se kur iu ishte drejtuar Mustafës me fjalën ‘xhenaze vertikale’ nuk e kishte asgjë personale me të, por se i ka bërë me dije së politikisht është i pafuqishëm.

”Ajo ka qenë deklaratë publike, por ka pasur tendenca të shtrembërohet ajo që e kam thënë. Nuk pata ndonjë qëllim personal, apo ndaj shëndetit të tij, apo ndaj familjes së tij”.

”Më vjen keq që ai ka qenë pa qejf disa ditë, por i uroj të jetojë edhe 100 vjet, nuk kam ndonjë qëllim personal ndaj tij”.

”Tendencat e LDK-së me e aktualizu këtë lloj viktimizim të vet, për të marrë ndonjë votë dikush aty, janë në gjendje të krijojnë situata të rrezikshme dhe janë në gjendje gjaqet me i bë për të fituar ndonjë votë. Janë shumë të papërgjegjshëm, nuk kam shumë komunikim me ta sepse nuk u besoj”.

”Kjo deklaratë iu ka pëlqyer atyre që kanë dëshirë më ua zënë vendin. Nuk kam asgjë personale me Isa Mustafën, e aq më pak tek shëndeti, sepse jam familjar po ashtu, por politikisht e kam thënë është se i pafuqishëm”, është shprehur Bekë Berisha, njofton Klan Kosova.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.