E pabesueshme: Nëna e Mbappes me pagë më të lartë se disa lojtarë të Real Madridit

Sipas raportimeve nga Franca, Fayza Lamari, nëna e Kylian Mbappe, përfiton rreth 4.5 milionë euro neto në sezon që nga transferimi i yllit francez te Real Madridi.

Kjo pagë vjen nga një marrëveshje private për menaxhimin dhe këshillimin e karrierës së lojtarit, jo drejtpërdrejt nga klubi madrilen.

Paga e saj thuhet se është më e lartë se ajo e disa lojtarëve të ekipit të parë të Real Madridit, fakt që ka nxitur debat dhe reagime në opinionin sportiv në Spanjë.

Roli i Fayza Lamari vazhdon të jetë kyç në vendimet sportive dhe kontraktuale të Mbappe./Klankosova.tv