Dyshohet se sulmoi seksualisht një grua në Podujevë – arrestohet e më pas lirohet  

Një grua dyshohet se është sulmuar seksualisht nga një burrë në Podujevë.

Bazuar në të dhënat e Policisë së Kosovës, rasti ka ndodhur më 12 janar rreth orës 10:48, transmeton Klankosova.tv.

Policia ka arrestuar të dyshuarin, mirëpo sipas njoftimit, i njëjti pas intervistimit dhe me vendim të prokurorit, është liruar.

“Viktima femër kosovare ka njoftuar se ishte sulmuar seksualisht nga i dyshuari mashkull kosovar. Me vendim të prokurorit i dyshuari pas intervistimit është liruar. Rasti vazhdon të trajtohet në gjendje te lirë”, thuhet në njoftim.