Dy persona u vranë të hënën në Zvicër

Dy persona janë vrarë të hënën në Zvicër.

Ngjarja tragjike ndodhi në Sion, kryeqytet i Kantoni të Valaisit.

Siç raporton gazeta zvicerane Blick.ch, i dyshuari Raphael B, kishte shtënë me armë zjarri në drejtim të disa personave, ku të vdekur mbetën një burrë 49-vjeçar dhe një grua e moshës 34-vjeçare, e cila u gjet në një parking, transmeton Klankosova.tv

Si rezultat të këtij incidenti, ka pasur edhe të plagosur.

I dyshuari fillimisht ka ikur nga vendi i ngjarjes, por që u kap nga policia pasditen e së hënës në rajonin e “St Leonard”.

Mbi 120 policë, ishin të angazhuar në operacionin për kapjen e 36 vjeçarit.

Prokuroria ka nisur një hetim lidhur me rastin.

Policia akoma s’ka bërë të ditur motivet e krimit.

Por, autori thuhet se i ka njohur viktimat e tij.