Dy në pranga për fajde

Policia e Kosovës ka arrestuar dy persona  në rajonin e Mitrovicës nën dyshimin për marrje me  “fajde”.

Sipas policisë, dyshimet rëndojnë mbi  G. G. për dhënien e parave  me fajde dhe në pamundësi të kthimit të të hollave me kohë, viktimës ia ka marrë 25000 euro dhe një parcelë prej 129 metra katrorë.

“Ndërsa sa i përket personit B. Z. në bashkëpunim me një person tjetër dyshohet se kanë marrë një banesë prej 120 m² nga viktima për një vlerë të vogël të parave që ua kishte borxh’ bën të ditur policia.

Të dyshuarve u është caktuar masa e ndalimit policor prej 48 orëve, transmeton Klan Kosova.