Dy avionë ushtarakë rusë hynë për pak kohë në hapësirën ajrore të Lituanisë NULL NULL 23.10.2025 19:33 23.10.2025 19:33 Foto nga arkiva: Avionët luftarakë rusë Sukhoi Su-35, gjatë konkursit Aviadarts, si pjesë e Lojërave Ndërkombëtare të Ushtrisë 2021, në poligonin e Dubrovichi jashtë Ryazanit, Rusi, 27 gusht 2021. Fotografia: REUTERS Dy avionë ushtarakë rusë hynë në hapësirën ajrore të Lituanisë, anëtares së NATO-s, të enjten për rreth 18 sekonda, tha ushtria e Lituanisë. Dy avionët, një luftëtar “Su-30” dhe një tanker “Il-78”, ndoshta ishin në një mision stërvitjeje për furnizim me karburant kur shkelën kufirin rreth orës 15:00, duke hyrë në Lituani nga rajoni i Kaliningradit, tha ushtria. Avionët spanjollë “Eurofighter Typhoon” nga Policia Ajrore Baltike e NATO-s u ngritën në ajër në përgjigje dhe po patrullojnë zonën, tha ushtria, shkruan Reuters, transmeton Klankosova.tv.
