Dukagjini e mposht Gjilanin, ia vazhdon ecurinë negative

Dukagjini e ka mposhtur Gjilanin me rezultat 1-2 në xhiron e 12-të të Superligës së Kosovës në futboll.

Mysafirët ishin në epërsi qysh në minutën e 5-të të takimit, me golin e shënuar nga Pefqeli.

Ndërsa tre minuta para se të përfundonte pjesa e parë, ishte Berisha ai që me një goditje të fuqishme e dyfishoi epërsinë, njofton Klankosova.tv.

E, krejt çka bëri Gjilani ishte ngushtimi i epërsisë në 1-2, në minutën e 83-të të takimit, ku i saktë nga pika e bardhë u tregua Jaroviq.

Me këtë fitore, Dukagjini gjenet në vendin e tetë me 14 pikë, kurse Gjilani pozicionohet i nënti me 13 pikë, ku ka veç një fitore në pesë xhirot e fundit.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.