Dueti i ëmbël i Keith Urban dhe Nicole Kidman (VIDEO)

Keith Urban dhe Nicole Kidman kanë realizuar një duet shumë të ëmbël.

Në nderim të Ditës Ndërkombëtare të Vajzës, çifti është ulur së bashku në pianon e tyre për të interpretuar një version shumë të bukur të këngës së njohur të këngëtarit të muzikës country, “Female”.

Urban ka shpërndarë videon në llogarinë e tij në Instagram, duke treguar se ky moment i veçantë në shtëpinë e tyre është xhiruar nga dy vajzat e çiftit, Sunday (10) dhe Faith (7), transmeton Klan Kosova.

View this post on Instagram

To honor International #DayoftheGirl – filmed by Sunday and Faith!!! @KeithUrban

A post shared by Nicole Kidman (@nicolekidman) on Oct 11, 2018 at 9:23am PDT

Kidman është pjesë e kësaj kënge si zë i dytë në versionin e studios, por asnjëherë nuk e ka performuar këtë këngë bashkë me bashkëshortin e saj, në publik.

“Nga të gjitha këngët që mund të këndonte ajo, kjo ishte e duhura”, kishte thënë Urban për E! vitin e kaluar.

Kombet e Bashkuara kanë festuar Ditën Ndërkombëtare të Vajzës që nga viti 2012, për të promovuar fuqizimin e vajzave dhe për të nxjerrë në pah sfidat e ndryshme me të cilat ballafaqohen vajzat anembanë botës në kërkesën e tyre për t’u trajtuar në mënyrë të barabartë, për t’u arsimuar dhe për të arritur potencialin e tyre të plotë.

Kidman  është Ambasadore e Vullnetit të Mirë në UN Women që nga viti 2006.