Dita e bereqetshme e arrës (VIDEO)

Qyteti i Suharekës shënoi këtë të diel ‘’Ditën e Arrës’’.

Bereqetin e sivjetmë në këtë kulturë shkoi për ta parë të dielën edhe i pari i Bujqësisë, Faton Peci, ku në Dubravë u zotua se përkrahja e ministrisë që drejton nuk do të mungojë për këta sektorë.

Atij dhe Qeverisë ku bënë pjesë, i kërkoi mbështetje nga Shoqata e Arrës që thanë se prodhimi vendor shpejt do ta zëvendësojë importin nga jashtë.

Për plantacionin “Avni Rrustemi” që u tha se është shembull në rajon, veç mbjellja nuk mjafton por është dashur edhe investimi në makineri.