Dieta vegane dhe diabeti: Gjithçka që duhet të dini

Shumë njerëz po kthehen drejt një diete vegjetariane ose vegane për shkak të problemeve shëndetësore.

G. Prakash, nga Instituti indian “Jindal Naturecure”, tha se 69 për qind e indianëve janë gati të heqin dorë nga mishi.

“Një sondazh i kryer në vitin 2019 zbuloi se rreth 69 për qind e indianëve janë gati të heqin dorë nga mishi. Për ata me diabet të tipit 1 ose tip 2, preferohet një dietë vegane ose një dietë vegjetariane, pasi ndihmon në menaxhimin dhe parandalimin e diabetit të tipit 2. Një dietë vegane është një pjesë e vegjetarianizmit që përjashton mishin, peshkun, vezët, shpendët, produktet e qumështit dhe mjaltin. Një dietë e shëndetshme vegane gjithashtu shmang ushqimet e përpunuara dhe të rafinuara si ushqimet artificiale me aditivë dhe vaj ulliri”, u shpreh ai.

Veganizmi mund të ndihmojë diabetin në mënyra të ndryshme, transmeton Klankosova.tv.

Prakash, ekspert i kësaj fushe, tha se ushqimet me bazë bimore si perimet, frutat, farat, arrat dhe bishtajat mund të ndihmojnë në trajtimin e sëmundjeve të ndryshme kronike, duke përfshirë diabetin e tipit 2.

“Aspekti tjetër pozitiv i një diete vegane është se ngarkesa e ulët glicemike, që rrit biofilmat e shëndetshëm të zorrëve. Biofilmat e zorrëve janë barriera të holla mbrojtëse që ndërtohen rreth baktereve në zorrë dhe e bëjnë të vështirë depërtimin e glukozës. Kjo, nga ana tjetër, ngadalëson efektin glicemik në dietë,” tha ai.

Tutje, ai shtoi se shumica e njerëzve me diabet të tipit 2 janë mbipeshë, konsumimi i ushqimeve me një indeks të ulët glicemik gjithashtu ndihmon në luftimin e depozitimit të yndyrës dhe parandalimin e rezistencës ndaj insulinës.