Detoksifikimi i lëkurës: Tre mënyra për ta mbrojtur atë nga ajri i ndotur

Ekspozimi i zgjatur në ajër të ndotur mund të shkaktojë probleme shëndetësore dhe gjithashtu të ndikojë në lëkurë. Kujdesi i saj në dimër është diçka që duhet të ketë prioritet, në mënyrë që të parandalohet plakja e parakohshme, rrudhat, njollat, etj.

Ajri i ndotur, jo vetëm që e bën lëkurën të papastër, por gjithashtu bllokon poret me toksina të dëmshme dhe redukton oksigjenimin. Si rezultat, lëkura mbytet, duke mbetur pa shkëlqim dhe e thatë. Drejtor i GreenOpia, Nilkanth Ray, shpjegon se në përgjithësi, ndotja mund të rrezikojë ndjeshëm shëndetin e lëkurës.

Prandaj, duhet konsideruar detoksifikimi i lëkurës në mjedisin e ndotur. Ray sugjeron tre hapat e mëposhtëm, shkruan indianexpress, transmeton Klankosova.tv.

Hapi i parë për të detoksifikuar lëkurën është pastrimi i plotë i saj, të paktën, dy herë në ditë. Zgjidhni një pastrues, i cili nuk është i ashpër, për lëkurën dhe shpenzoni dy deri në pesë minuta duke hequr të gjitha papastërtitë dhe çdo mbetje të grimit.

Më pas, aplikoni maska ​​të mira detoksifikuese që mund të nxjerrin papastërtitë, të cilat janë lënë jashtë edhe pas pastrimit. Mund të përdorni ose maska ​​me argjilë ose maska ​​me qymyr, ose edhe ta përgatisni një të tillë në shtëpi. Pas maskimit, bashkojeni hidratuesin e përditshëm për të rikthyer lagështinë e humbur.

Një mënyrë tjetër e shkëlqyer për ta çliruar lëkurën tuaj nga ndotja është eksfolimi i rregullt. Ju duhet të eksfoloni lëkurën, të paktën, një ose dy herë në javë, për të hequr qelizat e vdekura dhe për të rinovuar lëkurën. Gjithashtu e bën lëkurën tuaj të ndihet e shëndoshë dhe e freskët.

“Këta tre hapa mund të bëjnë ndryshimin përfundimtar. Mos harroni të mbuloni fytyrën, ndërsa jeni jashtë dhe të aplikoni krem ​​të bollshëm kundër diellit për të mbrojtur lëkurën nga rrezet e dëmshme të diellit. Së fundmi, konsumoni ushqime të pasura me antioksidantë për të detoksifikuar lëkurën nga brenda”, përfundon Ray.