Dështon seanca për rastin “Banjska”, nuk paraqitet një dëshmitar

Seanca gjyqësore për rastin “Banjska” ndaj të akuzuarve Blagoje Spasojeviq, Vladimir Toliq dhe Dushan Maksimoviq, është ndërprerë.

Siç raporton gazetarja Qëndresa Tërshani, seanca dështoi për shkak që dëshmitari i mbrojtur A2 nuk është paraqitur për dëshmi, transmeton klankosova.tv.

Gjykimi për “Banjskën”, seanca nis me vonesë

Sakaq, gjatë seancave të kaluara, kanë dëshmuar policët e Kosovës që mbetën të lënduar në sulmin terrorist ku u vra kolegu i tyre, Afrim Bunjaku.

Kujtojmë se tre të akuzuarit Vlladimir Tolliq, Bllagoje Spasojeviq dhe Dushan Maksimoviq, u deklaruan të pafajshëm për akuzat për terrorizëm, financim të terrorizmit dhe vepra të rënda penale.