Conte: Lukaku refuzoi Premier Ligën për ne, është djalë i shkëlqyer

Trajneri i Napolit Antonio Conte ka zbuluar se Romelu Lukaku refuzoi disa oferta nga klubet e Premier League për t’i dhënë përparësi mundësisë për t’u bashkuar me klubin e tij të tanishëm .

“Ai dëshironte me ngulm të punonte përsëri me ne dhe kjo është fantastike”, ka thënë Conte për DAZN-in.

“Është një djalë i shkëlqyer, lojtar i nivelit të lartë”.

Këto komente të Contes vijnë pas një forme të mrekullueshme të napolitanëve të cilët po e kryesojnë tabelën në Serie A pas dhjetë javësh.

Ai realizoi edhe mbrëmë në fitoren madhështore prej 0:2 ndaj Milanit në San Siro.