Çfarë shpreson Ukraina të përfitojë nga bisedimet e sotme në Jeddah?

Ukraina do të propozojë sot një armëpushim që mbulon Detin e Zi dhe sulmet me raketa me rreze të gjatë veprimi, gjatë bisedimeve të paqes me SHBA-në, në Jeddah.

Propozimi thuhet se përfshin edhe transferimin e të burgosurve.

Zyrtarët të cilët folën në kushte anonimiteti, thanë për AP se delegacioni ukrainas është gati gjatë bisedimeve për të nënshkruar marrëveshjen e mineraleve kritike me SHBA-në.

Në Telegram, Andriy Yermak, kreu i zyrës presidenciale të Ukrainës, tha se Kievi do të “mbronte interesat e Ukrainës” me një “vizion të qartë se si t’i jepet fund luftës” sot, raporton Sky News, transmeton Klankosova.tv.

Kievi gjithashtu pritet të shtyjë SHBA-të drejt rifillimit të ndihmës ushtarake dhe shkëmbimit të inteligjencës pasi Uashingtoni i ndërpreu të dyja javën e kaluar.

Sekretari i Shtetit i SHBA-së, Marco Rubio sugjeroi se të dy aspektet e mbështetjes ukrainase mund të rifillojnë nëse Kievi angazhohet për një proces paqeje.

Rubio tha se pezullimi fillestar i ndihmës “erdhi sepse ne ndjemë se ukrainasit nuk ishin të përkushtuar” në negociatat për t’i dhënë fund luftës.

Ai tha se nëse kjo ndryshon, politika e SHBA-së ka të ngjarë të ndryshojë.