Çatia në flakë, banori ngjitet për të shpëtuar ç’të mundet (VIDEO)

Një zjarr ka përfshirë kulmin e një shtëpie në fshatin Banjë të Istogut gjatë ditës së sotme.

Pamjet e siguruara nga Klankosova.tv tregojnë pronarin e shtëpisë mbi çati, duke u përpjekur me mjete të thjeshta të shuajë flakët dhe të parandalojë përhapjen e zjarrit.

Në vendin e ngjarjes kanë mbërritur edhe njësitë e zjarrfikësve, të cilat po punojnë për të vënë zjarrin nën kontroll dhe për të shmangur dëme të mëdha.

Ende nuk dihen shkaqet e zjarrit, ndërsa autoritetet pritet të japin më shumë detaje në vijim.