Cameron të mërkurën viziton Washingtonin

David Cameron pritet që të mërkurën ta bëjë vizitën e tij të parë në Washington si sekretar i Jashtëm i Britanisë së Madhe.

Kështu ka bërë të ditur Ministria e Jashtme atje, shkruan Sky News, transmeton Klankosova.tv.

“Gjatë udhëtimit të tij, ai do të riafirmojë fuqinë e marrëdhënieve të Mbretërisë së Bashkuar me aleatin e saj më të ngushtë strategjik”, thuhet në deklaratë.

Bëhet e ditur, se ndër takimet që ai do të zhvillojë, do të jetë edhe ai me Sekretarin e Shtetit, Antony Blinken.