Bora i shënon 102 pikë ndaj Prizrenit që realizoi 87

Bora ka triumfuar me rezultat 102-87 ndaj Proton Cable Prizrenit.

Ndonëse pa peshë sa i përket pozitave në tabelë, ky ballafaqim kampional ishte fantastik.

Në palestren “1 Tetori” në Prishtinë, vendasit ishin më të mirë në periodën e parë që përfundoi me rezutlat 26-22, or mysafirët u rikthyen në të dytën, duke e mbyllur atë 24-21 në favor të tyre, për rezultatin e pjesës së parë, 47-46, raporton Klankosova.tv.

Pjesa e dytë pastaj ‘foli’ vetëm për prishtinasit që i fituan dy fraksionet e radhës, 29-23 dhe 26-18.

Basketbollisti më i mirë i kësaj ndeshje ishte Adem Mekic, me 29 pikë, tetë kërcime e po aq asistime.

Pas përfundimit të kampionatit të rregullt, prishtinasit do të luajnë në Play Out me humbësin e ndeshjeve finale të Ligës së Parë, Grapeland – KEK-u, për të vendosur se cila prej tyre do të jetë pjesë e elitës basketbollistike të Kosovës në edicionin 2025/26.

Ndërkaq ekipi prizrenas, duhet që të luftojë në Ligën e Parë, për t’u rikthyer pas një viti sërish në Superligë.

Bora – Prizreni po transmetohet direkt në kanalin Sport 3 të platformës kryesore shqiptare, ArtMotion!