Bislimi e Petkoviq në takimin e radhës në Bruksel NULL NULL 02.07.2024 08:42 02.07.2024 08:42 Kryenegociatorët Besnik Bislimi dhe Petar Petkoviq i Serbisë, në takim me ndërmjetësin e BE-së, Miroslav Lajçak. Foto: Miroslav Lajçak / X / Arkiv Emisari special i Bashkimit Evropian në dialogun Kosovë – Serbi, Miroslav Lajçak ka njoftuar se sot në Bruksel do të takohet kryenegociatori i Kosovës, Besnik Bislimi, dhe ai i Serbisë, Petar Petkoviq. Përmes një postimi në Facebook të hënën, ai ka theksuar se në takimin e sotëm do të fliet për hapat konkret për zhbllokimin e zbatimit të marrëveshjeve. Mes tjerash, Lajçak ka shkruar edhe për takimet e javës së kaluar në Bruksel në kuadër të dialogut. “Javën e kaluar, Borrell dhe unë pritëm Presidentin Vuçiq dhe Kryeministrin Kurti në Bruksel për një tjetër takim të Dialogut Beograd-Prishtinë”. Sipas tij, nga ky takim nuk është parë ndonjë përparim për zbatimin e marrëveshjes për rrugën e normalizimit të raporteve mes dyja vendeve. *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.
Kosova Një muaj paraburgim të arrestuarit në Serbi, mbi pretendimin për krime në Koshare 14 orë më parë