BE-ja afër marrëveshjes për sanksione të reja kundër Rusisë, thotë Kallas

Vendet e BE-së janë afër arritjes së një marrëveshjeje për një paketë të re sanksionesh kundër Rusisë, tha të martën shefja e politikës së jashtme të blloku,  Kaja Kallas.

“Shpresojmë të arrijmë një marrëveshje politike për paketën e 18-të të sanksioneve. Jemi shumë, shumë afër. Shpresoj që të ndodhë sot”, tha Kallas para një takimi me ministrat e punëve të jashtme nga 27 vendet e BE-së në Bruksel.

Burime i thanë Reuters të hënën se të gjitha elementet e paketës ishin rënë dakord, megjithëse një shtet anëtar ende kishte një rezervë në lidhje me një kufizim çmimi më të ulët të propozuar për naftën ruse, transmeton Klankosova.tv.

Komisioni Evropian muajin e kaluar propozoi paketën e 18-të të sanksioneve kundër Rusisë për pushtimin e saj të Ukrainës, që synonin të ardhurat e energjisë të Moskës, bankat e saj dhe industrinë e saj ushtarake.

Paketa e re propozon ndalimin e transaksioneve me tubacionet e gazit Nord Stream të Rusisë, si dhe bankat që përfshihen në anashkalimin e sanksioneve, transmeton Klankosova.tv.

Ajo gjithashtu propozon një kufizim çmimesh lundruese për naftën ruse prej 15% nën çmimin mesatar të tregut të naftës bruto në tre muajt e mëparshëm, thanë diplomatët e BE-së.