BE: Ekipi Menaxhues u propozua nga Serbia, u emërua nga Kosova

Zëdhënësi i Bashkimit Evropian Petër Stano, ka folur në një konferencë për media lidhur me rolin Ekipit Menaxhues, që u shkarkua nga ministri i Administrimit të Pushtetit Lokal, Elbert Krasniqi.

Stano tha se ky ekip ishte propozuar nga Serbia po që zyrtarisht ishin të emëruar nga Kosova.

“Ata nuk ishin pjesë e asnjërit delegacion, as të Serbisë e as të Kosovës”, tha Stano.

Ai theksoi se procesi i hartimit të statutit ka nisur dhe nuk ka përfunduar.

“Ekipi Menaxhues propozoi dhe paraqiti draftin e parë, që do të thotë se nisën procesin e jo që procesi mori fund. Prandaj, vendimi për ta shkarkuar Ekipin Menaxhues shkel tekstin dhe frymën e marrëveshjes”, theksoi ai.

Rrini të informuar mbi zhvillimet kryesore duke u bërë pjesë e komunitetit tonë në Viber

BONUS: Merreni aplikacionin tonë në Android dhe iOS

Stano: Me shkarkimin e Ekipit Menaxhues, Kosova shkeli marrëveshjen