Bashkimi fiton dramën ndaj Borës në ndeshjen e parë gjysmëfinale

Skuadra e Bashkimit ka shënuar fitore të rëndësishme ndaj Borës me rezultat të ngushtë 73-70, në ndeshjen e parë të gjysmëfinaleve të Superligës së Kosovës.

Takimi i zhvilluar në Prizren dhuroi rivalitet të madh nga fillimi deri në fund. Çereku i parë ishte i balancuar, ndërsa Bashkimi arriti të krijojë epërsi të lehtë në pjesën e dytë. Megjithatë, Bora reagoi fuqishëm në çerekun e tretë, duke e rikthyer ndeshjen në baraspeshë dhe duke e bërë fundin tepër dramatik.

Në momentet vendimtare, Bashkimi tregoi më shumë qetësi dhe efikasitet, duke ruajtur avantazhin minimal deri në fund për të siguruar fitoren e parë në seri.

Lojtari më i dalluar për Bashkimin ishte S. Shorter me 28 pikë, ndërsa kontribut të rëndësishëm dhanë edhe D. Lake me 11 pikë dhe 8 kërcime. Te Bora, më efikasit ishin T. Cheese me 17 pikë dhe J. Dingle me 16 pikë, por që nuk mjaftuan për të shmangur humbjen.

Me këtë fitore, Bashkimi kalon në epërsi 1-0 në seri, ndërsa ndeshja e radhës pritet të jetë po aq e luftuar, me Borën që do të kërkojë barazimin dhe Bashkimin që synon të afrohet edhe më shumë te finalja. /Klankosova.tv