Bashkimi fiton derbin kundër Rahovecit NULL NULL 30.11.2019 22:38 30.11.2019 22:38 Skuadra e basketbollit Bashkimi e ka mundur Rahovecin me rezultat 85:81 (19:21, 20:21, 33:18, 13:21) në derbin e javës së 14-të të Superligës së Kosovës në basketboll. Fillimi i ndeshjes ishte shumë interesant, ku mysafirët e fitojnë çerekun e parë 19:21, derisa lojë e barabartë u zhvillua edhe në periudhën e dytë që përfundon 20:21. Por, në periodën e tretë vendasit ishin shumë më të mirë, duke e fituar 33:18, ku rezultati në semafor pas 30 minutash tregonte shifrat 72:60. Megjithatë, Vreshtarët nuk u dorëzuan dhe hynë në një seri prej 12:0, duke barazuar shifrat në 72:72. Sidoqoftë, prizrenasit në katër minutat e fundit të ndeshjes tregohen më të vëmendshëm, duke fituar në fund me rezultat 85:81. Te Bashkimi u dalluan Corey Ross me 26 pikë e dhjetë kërcime dhe Ujkan Karanezi me 19 pikë e 12 kërcime, kurse më të dalluarit te skuadra mysafire ishte Joshuan McFolley me 17 pikë, pesë kërcime dhe gjashtë asistime, Jure Gunjina me 16 pikë e 14 kërcime dhe Christian Bradford me 16 pikë. Për Bashkimin kjo ishte fitorja e nëntë këtë edicion, derisa numëron edhe tri humbje, kurse humbja e dytë për Rahovecin që ka edhe 11 fitore, duke kryesuar në renditje. klankosova.tv *Klikoni KËTU për t´u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS.