Artistët solidarizohen me Haradinajn

Rreth 40 artistë të Kosovës përmes pikturës, grafikës dhe fotografisë e kanë ngritur zërin e tyre, me qëllim të sensibilizimit të opinionit për  liderin e Aleancës për Ardhmërinë e Kosovës, Ramush Haradinaj, i cili tash e dy javë po mbahet në Francë, pas një fletëarresti të Serbisë të vitit 2004.

Ekspozita e  parë e këtij lloji me disa punime me motive të kreut të AAK-së u hap në Bibliotekën Kombëtare “Pjetër Bogdani” në Prishtinë.