Arrestohet një person në Ferizaj, dyshohet për tregti të ndaluar

Hetuesit policorë nga Njësia Rajonale për Hetimin e Krimeve Ekonomike dhe Korrupsion në Ferizaj, kanë arrestuar një burrë, nën dyshimin e kryerjes së veprës penale “tregti e ndaluar”. Personi, për policinë ka qenë edhe më parë i njohur për përfshirje në veprimtari penale.

Gjatë trajtimit të rastit, policia në koordinim me prokurorinë, kanë kryer kontrolle në shtëpinë e të dyshuarit B.M., (viti i lindjes 1990, mashkull kosovar).

Gjatë kontrollit të shtëpisë, policia ka gjetur:

– 161.485 euro,

– 2320 franga zvicerane,

– 2300 dollar amerikan,

– 80.850 denar maqedonas,

– 696 kilogram mjaltë (produkt i dyshimtë pa prejardhje),

– 250 kilogram fasule (pa prejardhje),

– Një pushkë e gjatë (pushkë ajrore),

– Një revole,

– Një veturë dhe

– Një telefon.

Për rastin me mallin e kontrabandë (mjalt dhe fasule), është ftuar për trajtim njësia e Doganës së Kosovës.

“Ndaj të dyshuarit është iniciuar rasti, nën dyshim për përfshirje në veprat penale: ‘tregti e ndaluar’ dhe ‘kontrabanda e mallrave’. Pas intervistimit në prezencë të avokatit mbrojtës, me aktvendim nga prokurori kompetent, i dyshuari dërgohet në ndalim prej 48 orësh”, thuhet në njoftimin e policisë.