Amerika dhe Koreja e Jugut fillojnë stërvitjet e përvitshme ushtarake

Këtë të mërkurë,  Shtetet e Bashkuara të Amerikës dhe Koreja Jugore i filluan stërvitjet e përbashkëta ushtarake të cilat i mbajnë për çdo vit.

Gati 300 mijë trupa ushtarakë të Koresë së Jugut, 17 mijë forca amerikane bashkë me forcat ajrore dhe luftanijet strategjike amerikane  kishin marrë pjesë në manovrat e përbashkëta vitin e kaluar, transmeton Klan Kosova.

Këtë vit, 3.600 ushtarë  deri më tani nga Amerika janë vendosur në Korenë Jugore për të marrë pjesë në stërvitjet e quajtura Foal Eagle  të cilat janë të parat seri lojërash të luftës e që zgjasin mbi dy muaj.

Zëdhënësi nuk dha ndonjë numër total të forcave amerikane që do të marrin pjesë në manovra.

Në anën tjetër, Koreja Veriore i ka kritikuar lojërat e përvitshme të luftës në mes të Koresë Jugore dhe Amerikës, duke i konsideruar provokuese.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.