Al-Shabab rrëmben një helikopter të OKB-së në Somalinë qendrore

Një helikopter që i përket misionit të Kombeve të Bashkuara në Somali është rrëmbyer nga al-Shabab pasi u ul në territorin e kontrolluar nga grupi i armatosur.

Raportohet se disa pasagjerë u kapën në shtetin Galmudug të mërkurën nga grupi i lidhur me Al-Kaedën, i cili ka shkaktuar dhunë në Bririn e Afrikës për vite me radhë, shkruan Al Jazeera, transmeton Klan Kosova.

Helikopteri zbarkoi afër fshatit Gadoon në rajonin Galgaduud për shkak të një problemi teknik.

Kishte nëntë pasagjerë në aeroplan, duke përfshirë personelin ushtarak dhe një kontraktor të palës së tretë. Të paktën gjashtë nga pasagjerët thuhet se janë kapur nga al-Shabab.