Aktivistët e klimës dënohen me burgim pasi “dëmtuan” kryeveprën e Vermeer (VIDEO)

Dy aktivistë belgë të klimës nga lëvizja “Just Stop Oil” janë dënuar nga një gjykatë në Hagë me dy muaj burgim.

Ata u dënuan pasi “ngjitën” veten e tyre për njërën prej kryeveprave të artistit Vermeer “Vajza me vath prej perle”, në muzeun Mauritshuis gjatë javës së kaluar, shkruan brusselstimes.com, transmeton klankosova.tv.

Aksioni i protestës u zhvillua në një mënyrë të ngjashme me supë me domate të hedhur në “Sunflowers” të Van Gogh dhe pure patatesh në “Grindstones” të Claude Monet.

🔴🇳🇱ALERTE INFO – Un nouveau chef d’œuvre a été attaqué il y a moins d’une heure au musée Mauritshuis de La Haye, au Pays-Bas : un militant écologiste a collé son visage avec de la glu contre La Jeune Fille à la Perle, le tableau de Vermeer (témoins). pic.twitter.com/wR8nPRS2J6

— 🌐Le Globe (@LeGlobe_info) October 27, 2022

Aktivistët në fjalë janë Wouter Mouton (45), i cili ngjiti kokën në xhamin që mbron pikturën shekullore dhe Pieter G. (42), i cili filmoi incidentin.

Si rezultat, Mouton dhe G. u detyruan të shkonin direkt në burg nga paraburgimi, pasi gjyqtari kishte frikë se “për shkak të qëllimit të tyre aktivist” ata së shpejti do ta përsërisnin veprimin e tyre.

Mouton mori përgjegjësinë e plotë për veprimet e tij, por siguroi se ishte siguruar paraprakisht që vetë piktura të mos dëmtohej.

Megjithatë, korniza dhe paneli i pasmë pësuan dëmtime, në një total prej dy mijë eurosh.

“Just Stop Oil Belgium” komentoi vendimin e gjykatës duke pyetur: “A nuk është ironike që aktivistët e klimës që kundërshtojnë në mënyrë jo të dhunshme masakrën masive të jetës në tokë po dënohen?”

klankosova.tv