Aksident në Pejë, lëndohen gjashtë persona

Gjashtë persona janë lënduar si pasojë e një aksidenti që ka ndodhur sonte rreth orës 20:20 në fshatin Ramun të Pejës.

Lajmi u konfirmua për Klankosova.tv nga Driton Rugova, zëdhënës rajonal i Policisë në Pejë.

Ai bëri të ditur se në aksident ishin të përfshirë tre vetura.

“Të lënduarit janë dërguar për trajtim mjekësor në Spitalin Rajonal të Pejës”, tha Rugova.