Aksident në magjistralen Podujevë-Prishtinë, policia konfirmon lëndimin e një personi (VIDEO)

Një aksident i rëndë trafiku ka ndodhur në magjistralen Podujevë-Prishtinë.

Klankosova.tv ka siguruar pamje nga aksidenti ku janë përfshirë dy vetura, njëra prej tyre me targa të huaja.

Në vendngjarje shihet edhe një autoambulancë teksa një person është lënduar.

Rastin për Klankosova.tv e ka konfirmuar edhe zëdhënësja e policisë për rajonin e Prishtinës, Flora Ahmeti.

“Rreth orës 15:00, në rrugën Prishtinë-Podujevë, ka ndodhur një aksident trafiku ku janë përfshirë dy automjete në lëvizje. Si pasoj e aksidentit lëndime trupore ka pësuar një person i cili është dërguar për tretman mjekësor, ndërkohë që me rastin po merret njësiti i trafikut”, tha Ahmeti.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.