Aksident mes tri veturave në Bresalc të Gjilanit – lëndohen tre persona

Një aksident mes tri veturave u regjistrua sot në fshatin Bresalc të Gjilanit.

Rastin për Klankosova.tv, e konfirmoi zëdhënësi i policisë për rajonin e Gjilanit, Ismet Hashani.

Si pasojë e aksidentit, të lënduar kanë mbetur tre persona.

“Me datën 31.10.2024 ka ndodhur një aksident trafiku në fshatin Bresalc. Në këtë aksident kanë qenë të përfshira tri automjete. Përpos dëmeve materiale, lëndime trupore kanë presuar tre persona të cilët janë duke marrë tretman mjekësorë në qendrën emergjente në Gjilan”, tha Hashani.

Hetues policor të aksidenteve kanë dalë në vendin e ngjarjes dhe janë duke hetuar rrethanat e aksidentit.