Adresa e mëparshme i jep çmimin e lotarisë prej 50 mijë dollarësh

Një burrë nga Maryland i ShBA-së përdori adresën e tij të vjetër të rrugës për të luajtur lotari dhe përfundoi duke fituar çmimin prej 50 mijë dollarësh.

“Isha në dyqan për t’i blerë biletat dhe dëgjova një grua në radhë përpara meje që thoshte se përdori adresën e saj të vjetër të rrugës për biletat e blera. Kjo dukej si një ide e mirë”, tha 53-vjeçari.

Ai shtoi se iu deshën disa minuta për të kujtuar adresën e tij të mëparshme.

“Unë nuk kisha jetuar atje për shumë vite, kështu që nuk më erdhi shpejt në mendje”, kujton ai.

Më pas atij iu kujtuan numrat dhe përfundoi duke blerë një biletë me numrat 2-3-5-0-4.

“Isha shumë i befasuar. Mendova për vendimin tim për të ndryshuar numrat dhe për atë zonjë në radhë. Ishte vërtet e vështirë të besohej”, tha ai.