Abdixhiku: Po e vendos fatin tim në duart tuaja, e ju vendosni fatin e LDK-së mbi timin (VIDEO)

Kryetari i LDK-së, Lumir Abdixhiku, u ka thënë delegatëve në Kuvendin e jashtëzakonshëm të kësaj partie se ai po e vë fatin e tij në duart e tyre, e kërkoi që ata ta vënë fatin e kësaj partie dhe të Kosovës mbi të tijin.

Ai paralajmëroi se do ta pranojë cilindo vendim që do ta marrë shumica.

“Unë sot e vendos fatin tim në duart tuaja, e ju, ju lutem vendosni fatin e LDK-së dhe të Kosovës mbi fatin tim. Kjo ka rëndësi”, ka thënë Abdixhiku, njofton Klankosova.tv.

“Nëse këtë e bëni, çfarëdo vendimi që merrni, unë do ta pranoj me krenari, me përulësi dhe me besim që kjo shtëpi ka zgjedhur rrugën e drejtë”.