Abdixhiku: Beteja për jetë në orën më të vështirë të shtetit i mbizotëron të gjitha

Pas votimit të deputetëve për rrëzimin e Qerverisë, Ministri në detyrë i Infrastrukturës e Ambientit, Lumir Abdixhiku, ka bërë një shkrim të gjatë në llogarinë e tij të Facebook-ut.

Ai shprehet se ka abstenuar nga procesi politik i ditëve të fundit për shkak se e ka konsideruar që beteja për jetë në orët më të vështira të shtetit i mbizotëronte të gjitha.

Abdixhiku po ashtu i siguroi të gjithë qytetarët tanë që kanë mbetur nëpër shtetet ndërkombëtare për shkak të mbylljes së kufijve se “do të kthehen të gjithë sepse ka një plan të mirë” dhe se duhet të rrinë të qetë sa i përket këtij shqetësimi.

Ministri në detyrë falënderoi gjithë bashkëpunëtorët e tij për punën e kryer deri më sot dhe se tani do që t’i kthehet dy vajzave të tij, të cilët deklaron se ka kohë që i ka lënë pas.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.