Klan Kosova sjell “Le të flasim”, nxënësit diskutojnë për ambientin me Uta Ibrahimin (VIDEO)

Klan Kosova në bashkëpunim me Industria Film dhe KULTIND  sjellin projektin më të ri “Le të flasim”.

Emisioni i ri u dedikohet më të vegjëlve, me të cilët do të diskutohet për tema të ndryshme.

Këtu do të adresohen çështje të ndryshme duke u nisur nga profesionet e preferuara të fëmijëve, ndryshimet që duan t’i kenë në shkolla, problemet me të cilat ballafaqohen shkollarët, leximi, argëtimi e shumë të tjera.

Episodi i parë vjen me mysafiren Uta Ibrahimi, e cila diskutoi me nxënësit e shkollës “Qamil Batalli” në Prishtinë lidhur me ambientin dhe mbrojtjen e tij.