Arifaj: Prishtina s’ka nevojë t’i ndahet buxhet për kulturë, qytetarët janë të kulturuar

Visar Arifaj nga Paria e Fortë në seancën e Kuvendit Komunal të Prishtinës ka thënë se është i kënaqur që në projekt-buxhetin e vitit 2017 prioritet janë investimet kapitale, njofton Klan Kosova.

Ai ka thënë se kjo është si praktikë që të bëhet në vitin e fundit të mandatit.

“Jam i befasuar me modestinë që është shfaq për buxhetin e vitit 2017. Po besoj se kjo ka qenë pak e detyruar, mirëpo është një risi në qeverisjet tona që investimet kapitale që mos mbesin për vitin e fundit.”

“Kam pritë që kemi me pas Muzeun e Shkencës, por nuk e shoh në linja buxhetore, ashtu si Salla e Operës, Pishina Olimpike, por po shihet se jemi reduktua në nevojat tona bazike.”

“Qytetarët e Prishtinës janë të kulturuar dhe nuk ka nevojë që të shkojnë shumë investime në kulturë”, ka përfunduar kryetari legjendar.