Sulmohet komuna e Mitrovicës, nuk dihen autorët (VIDEO)

Organet e rendit janë duke zhvilluar hetime brenda  objektit të Komunës së Mitrovicës pasi që në orët e hershme të mëngjesit ka ndodhur një sulm me armë zjarri.

Deri më tani janë gjetur gjashtë predha të revoles, të cilat kanë goditur dritaret e komunës.

Zëdhënësi i policisë për rajonin  e Mitrovicës, Avni Zahiti ka thënë se deri më tani nuk ka të dyshuar derisa predhat kanë goditur zyrat e drejtorisë së Inspekcionit, njofton Klan Kosova.

Për këtë çështje nuk ka dëshirë të flas i pari i komunës së Mitrovicës, Agim Bahtiri por këtë incidenti vetë e zuri në gojë, pak çaste më vonë derisa foli në inaugurimin e fabrikës së tij të kërpudhave.

Kronikë nga Dibran Istrefi.