Shqipëria shkëlqen ndaj Katarit, gati për Euro 2016

Shqipëria ka mposhtur 3 me 1 Katarin në një ndeshje miqësore  të zhvilluar në Austri.

Kuqezinjtë ishin në disavantazh që në minutën e dytë, por kjo doli të ishte vetëm një gafë pasi futbollistët shqiptarë përmbysën gjithçka dhe shënuan fitore.

Shifrat i barazoi mbrojtësi Arlind Ajeti në minutën e 23 duke u pasuar nga Ermir Lenjani pesë minuta pa përfunduar pjesa e parë.

Qershinë mbi tortë e vendosi Armando Sadiku me një super gol nga distanca në minutën e 60-të.

Kjo fitore vjen pak para fillimit të kampionatit evropian që do mbahet në Francë dhe ku Shqipëria merr pjesë për herë të parë në histori.

*Klikoni KËTU për t´u bërë pjesë e kanalit zyrtar të Klan Kosovës në Viber.

*Klikoni KËTU për ta shkarkuar aplikacionin e Klan Kosovës në Android, dhe KËTU për iOS.