Pakënaqësi me referimin, Munishi e tërheq Lirinë nga fusha në miqësoren ndaj Llapit

Ndeshja miqësore mes Llapit dhe Lirisë nuk ka arritur të përfundojë, pasi është ndërprerë para kohe pas një vendimi të trajnerit të skuadrës prizrenase, Ismet Munishi.

Tekniku i Lirisë, Ismet Munishi, vendosi ta tërheqë ekipin e tij nga fusha, duke bërë që takimi të ndërpritet menjëherë, transmeton Klankosova.tv.

Megjithatë, Klubi i Prizrenit në një postim në faqen e tyre zyrtare në Facebook, ka shënuar se ndeshja përfundoj me rezultat 0-0.

Ndërsa skuadra nga Podujeva, ka shënuar se ndeshja është ndërprerë në minutën e 81-të të ndeshjes, shkak i pakënaqësive të trajnerit Munishi, i cili i largoj edhe lojtarët e Lirisë nga fusha.

Ngjarja ka befasuar të pranishmit, pasi bëhej fjalë për një ndeshje përgatitore në prag të sezonit të ri, ku të dy skuadrat synonin të testonin gjendjen e ekipit.