“Veç edhe analizat dhe u kry puna”, Adeyemi javën e ardhshme te Barça

Karim Adeyemi është autorizuar të kryejë kontrollimet mjekësore dhe të nënshkruajë kontratën me Barcelonën javën e ardhshme.

Sulmuesi gjerman ka zhvilluar tashmë një bisedë telefonike me trajnerin Hansi Flick, ndërsa drejtori sportiv Deco mbylli dje të gjitha detajet e marrëveshjes, raporton gazetari Fabrizio Romano.

Barcelona do të paguajë 22 milionë euro, plus shtatë milionë euro në bonuse, ndërsa Dortmundi do të mbajë edhe 20 për qind të vlerës së një transferimi të ardhshëm të lojtarit.