Kina krijon robotin e parë shtatzënë?

Një teknologji që deri më sot është parë vetëm në filmat fantastiko-shkencorë mund të bëhet realitet në të ardhmen. Shkencëtarët në Kinë po punojnë për zhvillimin e robotit të parë në botë të aftë për të mbajtur një fetus gjatë gjithë periudhës së shtatzënisë dhe për ta sjellë atë në jetë.

Sipas raportimeve të Daily Mail, ky sistem synon të krijojë një mjedis artificial që imiton kushtet e mitrës së njeriut, duke mundësuar zhvillimin e fetusit deri në lindje.

Projekti konsiderohet një hap revolucionar në fushën e bioteknologjisë dhe mjekësisë riprodhuese.

Ekspertët besojnë se një teknologji e tillë mund të ofrojë zgjidhje të reja për çiftet që përballen me probleme të fertilitetit.

Aktualisht, projekti ndodhet ende në fazat e zhvillimit dhe nuk është gati për përdorim te njerëzit.