Shkolla Verore e Antropologjisë mbahet në korrik në Prishtinë

Universiteti Veror Ndërkombëtar i Prishtinës – Universiteti i Prishtinës, në datat 6-17 korrik 2026, organizon Shkollën Verore të Antropologjisë: Film Etnografik, një program dyjavor që eksploron artin dhe praktikën e realizimit të filmit etnografik dhe jofiksion.

Shkolla Verore e Antropologjisë, ofron mundësinë e eksplorimit të traditave kryesore, zhanreve dhe autorëve me ndikim në filmin etnografik dhe jofiksion, diskutime kritike për filma të rëndësishëm etnografikë dhe përvojë praktike në planifikimin dhe realizimin e një filmi të shkurtër etnografik gjatë punës në terren.

Profesore vizituese do të jetë Prof. Asst. Dr. Eralda Lameborshi, Fakulteti i Filozofisë, East Texas A&M University (ETAMU), SHBA, ndërsa bashkë-profesor: Prof. Assoc. Arsim Canolli, Fakulteti i Filozofisë, Universiteti i Prishtinës.

Kjo shkollë verore ofron një mundësi unike për studentët e interesuar në antropologji, etnografi, studime vizuale, film dhe kërkime kulturore, duke kombinuar teorinë me përvojë praktike në terren./Klankosova.tv