Koreja e Jugut në pritje të vendimit për ish-presidentin e akuzuar për kryengritje

Një gjykatë e Koresë së Jugut do të vendosë të enjten nëse ish-Presidenti Yoon Suk Yeol është fajtor për organizimin e një kryengritjeje mbi përpjekjen e tij për të vendosur gjendjen ushtarake në dhjetor 2024, në një rast që mund ta çojë Yoon-in në dënimin me vdekje.

Vendimi, i cili do të ndiqet nga afër në një vend thellësisht të ndarë, është më i rëndësishmi deri më tani për udhëheqësin e rrëzuar, përpjekja e të cilit për të imponuar gjendjen e jashtëzakonshme shkaktoi një krizë politike kombëtare dhe vuri në provë qëndrueshmërinë e institucioneve demokratike të Koresë së Jugut, shkruan Reuters, transmeton Klankosova.tv.

Prokurorët kërkuan dënimin me vdekje në janar, duke thënë se “ligji i tij i emergjencës ushtarake jokushtetues dhe i paligjshëm minoi funksionin e Asamblesë Kombëtare dhe Komisionit Zgjedhor… duke shkatërruar në fakt rendin kushtetues liberal demokratik”.