Prova e prokurorisë: Dejona Mihali vendoste për Nagip Krasniqin (VIDEO)

Ish-kryeshefi ekzekutiv i KEK-ut, Nagip Krasniqi, që dyshohet se dëmtoi buxhetin e shtetit për 37 milionë euro, sot doli para Gjykatës në këtë proces gjyqësor.

Krejt akuzat ndaj tij, Krasniqi i mohoi, edhe pse prokurorja tha se, përveç të tjerave, ka dëshmi se ai mori referenca për projekte edhe nga Dejona Mihali e Vetëvendosjes.

Për ta shfajësuar veten, iu desht veç një sekond. Por për ta bindur trupin gjykues që nuk e dëmtoi buxhetin, ish kryeshefi Krasniqi, si rrallëherë, foli 5 minuta.

Kjo pasi prokurorja e Shtetit i tha se i ka faktet që ky komunikoi me Mihalin,  por edhe me zyrtarë të tjerë të partisë në pushtet, për çështjet që lidhen me KEK-un.

Asnjë nga këto të thëna nuk i pranuan të akuzuarit. Madje, Nagip Krasniqi tha se rasti iu sajua.

“Ky rast që e ka bërë prokuroria sipas bindjes time është një rast i montuar…me aktin e arrestimit tim dhe mbajtjen në paraburgim prej 5 muajve në fakt ka bërë dënimin pa u bërë gjykimi.”

Të gjitha detajet i gjeni në kronikën e përgatitur nga gazetarja e Klan Kosovës, Qëndresa Tërshani.