Australi: Gjenden kocka kafshësh teksa kërkohej për vajzën e zhdukur 55 vjet më parë

“Zona e interesit” e shënuar në një kërkim të udhëhequr nga vullnetarë për trupin e një vajze britanike që u zhduk në Australi 55 vjet më parë, ka rezultuar të jetë një alarm i rremë, tha Policia e Uellsit të Ri Jugor.

Një ekip vullnetarësh që përdori qen për zbulimin e kufomave në kërkim të Cheryl Grimmer kishte shpresuar se gjetja e tyre do të ishte një përparim në rastin i cili ka mbetur një mister që kur ajo u zhduk në vitin 1970, kur ishte tre vjeçe, raporton BBC, transmeton klankosova.tv.

Por eshtrat që u gjetën në zonë i përkasin një kafshe, tha policia në përgjigje të pyetjeve të BBC-së, duke shtuar se kërkimi kishte “përfunduar”.

Autoritetet dyshojnë se Cheryl, e cila kishte emigruar nga Bristoli me familjen e saj, u rrëmbye nga plazhi Fairy Meadow në Wollongong në janar të vitit 1970.

Kërkimi i së enjtes u zhvillua në Balgownie, në një zonë të vogël pylli të përmendur në një rrëfim të bërë nga një djalë adoleshent. /Klankosova.tv