Gundogan zyrtarisht te Galatasaray

Galatasaray ka zyrtarizuar transferimin e madh të mesfushorit gjerman Ilkay Gundogan, i cili i bashkohet klubit turk pas një karriere të suksesshme te Manchester City.

35-vjeçari ka nënshkruar kontratë dyvjeçare me kampionin e Turqisë, me mundësi vazhdimi deri në vitin 2027. Sipas mediave turke, Gundogan do të përfitojë rreth 4.5 milionë euro në sezon.

Pas tetë viteve të arta në Manchester, ku luajti 358 ndeshje dhe fitoi 14 trofe madhorë, përfshirë “tripletën” historike në sezonin 2022/23, Gundogan vendosi t’i bashkohet klubit të zemrës së tij.

Ai e ka cilësuar kalimin në Stamboll si “ëndërr fëmijërie të bërë realitet”.

Galatasaray, nga ana tjetër, e sheh mesfushorin gjerman si shtyllë kryesore për ambiciet në Champions League dhe për dominim në Superligën turke.

Me këtë lëvizje, “Asllanët” dërgojnë një mesazh të qartë: ata synojnë të rikthehen fuqishëm në arenën evropiane, të udhëhequr nga eksperienca dhe klasa e Gundoganit. /Klankosova.tv