Certifikimi nga KQZ-ja: LDK-ja s’lejon “lidhje” tjetër në garë zgjedhore

25 iniciativa qytetare e 14 kandidatë të pavarur, patën para vetës të shtunën anëtarët e Komisionit Qendror të Zgjedhjeve për certifikim.

Por, dritën e gjelbër për të vazhduar me procedurat tjera për pjesëmarrje në zgjedhjet lokale, nuk e morën të gjitha.

Dy prej tyre nuk kaluan për shkak të emërtimeve.

Njëra ishte, “Lidhja e Prishtinës” që u kundërshtua nga Lidhja Demokratike e Kosovës.

Drejtori i zyrës për regjistrim e certifikim në KQZ, Besnik Buzhala u shpreh se mospajtimi nuk ka bazë ligjore.

Megjithatë, “Lidhja e Prishtinës” u refuzua.

Kështu ndodhi edhe me një iniciativë tjetër. Kjo për shkak të një gabimi drejtshkrimor.

Në vend të “Lëvizja për Bashkimin e Shqiptarëve”, ishte “Shqipëtarëve”.

Kundër u panë LVV dhe AAK.

Edhe kjo nuk kaloi, ndonëse nga zyra për regjistrim e certifikim u tha se është përcaktim i vetë subjektit politik.